Перажываем XV Звычайную Нядзелю ў бягучым літургічным годзе.

На гэтым тыдні ўспамінаем:

1. У сераду 15 ліпеня, успамін св. Бонавэнтуры, біскупа і доктара Касцёла. Таксама ў гэты дзень імяніны кс. Біскупа Уладзіміра. Будзем маліцца за дастойнага імянінніка.

2. У чацвер 16 ліпеня, успамін НПМ з Гары Кармэль. У гэты дзень Імша а г. 9.00 будзе адпраўлена пры алтары Маці Божай Шкаплернай.

3. У суботу 18 ліпеня, прыпадае чарговая гадавіна мучаніцкай смерці бл. Марыянны Бернацкай, святароў і жыхароў Гродна і ваколіц, расстраляных у 1943 годзе гітлераўцамі. З гэтай нагоды запрашаем у пешую пілігрымку, якая распачнецца ад касцёла айцоў Францішканцаў а г. 11.30. Для тых, хто не зможа ісці пешшу, будзе аўтобус а г. 17.00 з прыпынку “Баторыя”. Св. Імша на Фартах распачнецца а г. 18.00. Шчыра ўсіх запрашаем.

4. Звяртаемся да ўсіх парафіян і тых, хто прыходзіць у Катэдру на Імшу, з просьбай не спазняцца на малітву.

Скласці ахвяраванне